694

АҚШ-та алаяқтық жасады деген күдікпен ұсталған үш әйелдің есімдері белгілі болды

Әділет департаментінің мәліметінше, ұсталған үш қазақстандық Нью-Йорктің "Бруклин" ауданында тұрған.
Фотография - АҚШ-та алаяқтық жасады деген күдікпен ұсталған үш әйелдің есімдері белгілі болды Көрнекі сурет

Америка Құрама Штаттарында алаяқтық жасады деген күдікпен ұсталған үш әйелдің аты-жөндері белгілі болды. Олар – Дийора Әшірова, Елена Құдайбергенова және Азиза Джалолова – 1991, 1970, 1994 жылы туғандар. Ақпарат АҚШ әділет Департаментінің сайтында жарияланды және оны 7 тамызда ҚР сыртқы істер Министрлігі растады, деп хабарлайды Today.kz.

Әділет департаментінің мәліметінше, ұсталған үш қазақстандық Нью-Йорктің "Бруклин" ауданында тұрған. 

"Қазіргі таңда олар тек күдікті, жақында алғашқы сот отырысы болады, сонда біздің азаматшаларға нақты қандай айып тағылып отырғаны анықталады", –деді ҚР СІМ. 

Әшірова мен Джалолова қамауда отыр, ал Құдайбергенова денсаулығына байланысты кепілхатпен босатылған. 

Естеріңізге салайық, интернет арқылы раритет көліктерді сатуға байланысты алаяқты жасаған бір топ адамның ұсталғаны хабарланған еді. Олардың арасында Қазақстан азаматтары бар. Шығынның жалпы көлемі  — 4,5 миллион доллар. 

Нью-Йорк штаты оңтүстік аймақ прокурорының мәлімдеуінше, олар 20-дан 30 жылға дейін сотталуы мүмкін.

Загрузка...