1733

Астанада офицер 5 мың доллар пара алып жатқан жерінен ұсталды

Шенеуніктің ұсталғаны туралы видео агенттіктің Facebook желісіндегі парақшасына жарияланды.
Фотография - Астанада офицер 5 мың доллар пара алып жатқан жерінен ұсталды Сурет: facebook.com/@ADGSPK

Астана МІД ЭТҚ аса маңызды істер жөніндегі аға тергеуші заңсыз түрде ақшалай сыйлық алып жатқан жерінен ұсталды, деп хабарлайды Today.kz Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігіне сілтеме жасап. 

Шенеуніктің ұсталғаны туралы видео агенттіктің Facebook желісіндегі парақшасына жарияланды. 

"11 тамызда Астана бойынша сыбайлас жемқорлыққа қарсы Ұлттық бюро департаменті Астана МІД ЭТҚ аса маңызды істер жөніндегі аға тергеушіні пара алып жатқан жерінен ұстады. Күдікті 5 мың АҚШ доллары көлемінде заңсыз сыйақы алып жатқан жерінен ұсталған. Ол бұған дейін ЖШС басшысымен оған қатысты ақша жымқыру дерегі бойынша қозғалған қылмыстың тергеуді тоқтату үшін 15 мың долларға келіскен", – делінген хабарламада. 

Офицер кінәсін толық мойындағандықтан тұтқынға алынған жоқ. 

Сотқа дейінгі тергеу басталды. 

Сыбайлас жемқорлыққа қарсы қызметтің хабарлауынша, жылдың басынан бері экономикалық тергеу қызметінде 8 жемқорлық дерегі тіркелген. Параның жалпы көлемі – 25,5 миллион теңге.