2437

ҚР ІІМ жоғары шенді шенеунігі пара алып жатқан жерінен ұсталды

Күдікті ұсталды және Астана қаласы ІІД-нің уақытша ұстау абақтысына орналастырылды.
Фотография - ҚР ІІМ жоғары шенді шенеунігі пара алып жатқан жерінен ұсталды Көрнекі сурет
ҚР ІІМ Көліктегі ішкі істер департаментінің Ұйымдасқан қылмысқа қарсы күрес басқармасының басшысы 

қылмыс үстінде ұсталды, деп хабарлайды Today.kz ҚР мемлекеттік қызмет істері және сыбайлас жемқорлыққа қарсы агенттігінің баспасөз қызметіне сілтеме жасап. 

"12 қыркүйекте МҚІСЖҚА Сыбайлас жемқорлыққа қарсы іс-қимыл ұлттық бюросымен ҚР ІІМ Көліктегі ішкі істер департаментінің Ұйымдасқан қылмысқа қарсы күрес басқармасының басшысы, полиция полковнигі сыбайлас жемқорлықта әшкереленді. Көліктегі ішкі істер департаментінің Ұйымдасқан қылмысқа қарсы күрес басқармасының басшысы лауазымды тұлғаны қылмыстық жауапкершілікке тартпау және жалпы қамқорлығы үшін бұрын келісілген 50 000 АҚШ доллары сомасының 11,5 миллион теңге көлеміндегі параны алу барысында ұсталды", – деді МҚІСЖҚА ресми өкілі Жанна Бастарова.

Ұстау барысында ол Ұлттық бюро департаментінің жедел департаменті қызметкерінің автокөлігін соғып, қарсыласу көрсеткен және бой тасалауға әрекет жасаған.

Атап өту керек, оның лауазымдық міндеттерінің аясына республика бойынша ұйымдасқан түрдегі қылмыстарды тоқтату және анықтау кірген.

Күдікті ұсталды және Астана қаласы ІІД-нің уақытша ұстау абақтысына орналастырылды.

Загрузка...