934

Алматыда қонақүй күзетшісінің мұрнын сындырған еркек ұсталды

Сот-медициналық сараптама тағайындалды.
Фотография - Алматыда қонақүй күзетшісінің мұрнын сындырған еркек ұсталды Көрнекі сурет

Алматыда қонақүй күзетшісінің мұрнын сындырған еркек ұсталды. Жанжалдың видеосы әлеуметтік желіге тарап кетті, деп хабарлайды Today.kz.

Оқиға "Қазақфильм" шағын ауданында орналасқан қонақүйде болған. Екі мас еркекті қонақүйге кіргізбеген күзетші олардан таяқ жеген. Бұл видео Instagram желісінде жарияланды. 

"Қылмыстық іс материалы бойынша, жанжалдың себебі қонақүй күзетшісінің екі мас еркекті кіргізбеуі болған. Жанжал шығарған бұзықтар жұдырық ала жүгірген. Нәтижесінде жәбірленуші 1989 жылы туған азамат А. мұрны мен қолы сынып ауруханаға жеткізілді", – деп хабарлады Алматы полициясы департаментінің баспасөз қызметі. 

Екі күдікті Алматының 25 жастағы тұрғыны мен РФ 28 жастағы тұрғыны ұсталды. Екеуі де уақытша ұстау изоляторына қамалды. 

Сотқа дейінгі тергеу ҚР ҚК 293 бабының 2 тармағы және 107 бабының 2 тармағы бойынша жүргізіліп жатыр. 

Сот-медициналық сараптама тағайындалды. Қылмыстық іс сотқа жолданады. 

Загрузка...