753

Астанада әйел адам бөтен біреудің пәтерін басқаларға 100 мыңға жалға берген

Әйел адамның осыған ұқсас басқа да қылмыс жасаған-жасамағаны тексерілуде.
Фотография - Астанада әйел адам бөтен біреудің пәтерін басқаларға 100 мыңға жалға берген Көрнекі сурет

Астана полициясы тұрғын үйді жалға беру кезінде жасалған алаяқтық туралы айтты, деп хабарлайды Today.kz. Тәртіп сақшылары елорда тұрғындары мен қонақтарын аталған қылмыстан сақтандырды. 

"Астанаға келіп пәтерді тәулікке жалдаған, сосын пәтерді ұзақ мерзімді жалға берген Қарағанды облысының 20 жастағы тұрғыны ұсталды. Әр пәтер үшін ол алданған азаматтардан 100 мың теңгеден алып отырған", – деді полиция департаментінің өкілі. 

Фото -

Әйел адам елорданың әр ауданынан осылайша пәтерді алдап "сатып" отырған. 

"Одан бөлек, полиция қызметкерлері Астананың 35 жастағы тұрғынын ұстады, ол алдау жолымен өз пәтерінен бөлмені жалға беретінін айтып, азаматтардан ақша алған. Бұрын ол "Алаяқтық" бабымен қылмыстық жауапкершілікке тартылған", – деді полиция.

Қазіргі таңда ҚР ҚК 190 бабы "Алаяқтық" бойынша сотқа дейінгі тергеу жүріп жатыр. Әйел адамның осыған ұқсас басқа да қылмыс жасаған-жасамағаны тексерілуде.

Аталған тұлғалардың әрекетінен зардап шеккендер болса, Астана полициясы Департаментіне Бейбітшілік көшесі, 19 мекенжайы бойынша хабарласа алады немесе мына телефондар арқылы байланысса болады: 8 (7172) 71 66 78; +7 (701) 969 92 92 және 102.

Фото -

Загрузка...