1782

Алматыда букмекер кеңсесіне тұтқиылдан шабуыл жасалды

Белгісіз үш адам кеңсеге басып кірген.
Фотография - Алматыда букмекер кеңсесіне тұтқиылдан шабуыл жасалды Сурет: youtube/ @Della Mitchell

Алматыда букмекер кеңселерінің біріне шабуыл жасалды. Желіге оқиғаның видеосы тарады, деп хабарлайды Today.kz.

Бейнежазба мәліметі бойынша, оқиға 20 қаңтарда 04:54-те болған. 

Белгісіз үш адам залға кіріп келген, екеуі болжам бойынша кеңсенің күзетшісі болып саналатын ер адамды металл тұрбамен ұрған. Шабуыл күтпеген жерден болғандықтан, ол қарсы келе алмаған. Үшінші қаскөй болжам бойынша касса аппараты тұрған жерге барған, одан кейін әйел адамның дауысы естілген. 

Күзетші "Болды, жатам!" деп бірнеше рет айғайлаған соң барып белгісіз екі адам оны ұруын тоқтатқан. 

04:56-да белгісіз үшеу кеңседен шығып кетті. 

Оқиға жайлы Алматы полиция Департаменті пікір білдірді. 

"Аталған дерек бойынша Әуезов ауданы жанындағы полиция бөлімшесінде сотқа дейінгі тергеу ҚР ҚК 192 бабы "Тонау" бойынша жүріп жатыр. Тергеу-оперативті тобы құрылды. Аталған қылмысты ашуға бағытталған оперативті және арнайы шаралар кешені жүріп жатыр", – деді Алматы полиция Департаментінің баспасөз қызметі. 

Назар аударыңыз! Видеода зорлық-зомбылық бар. 


Загрузка...