2447

Жан сақтау бөліміндегі балқаштық бес жастағы баланың әжесі дәріхананы кінәлады

Балқашта антибиотик еккеннен кейін жан сақтау бөліміне түскен бес жастағы баланың әжесі болған оқиға үшін дәріхананы кінәлап отыр.
Фотография - Жан сақтау бөліміндегі балқаштық бес жастағы баланың әжесі дәріхананы кінәлады Көрнекі сурет

Балқашта антибиотик еккеннен кейін жан сақтау бөліміне түскен бес жастағы баланың әжесі болған оқиға үшін дәріхананы кінәлап отыр, деп хабарлайды Today.kz Instagram желісіндегі @patriotkaragandy парақшасына сілтеме жасап. 

Жазбада видеоны зардап шеккен баланың әжесі жазғаны айтылған. Кадрда әйел адам  "Цефтриаксон" құтысын жақындатып көрсетеді. 

Әйел адамның айтуынша, Ресейден өндірілген дәрі Қарағанды облысы Балқаш қаласындағы қалалық әлеуметтік дәріханадан алынған. Екпеден кейін баланың тілі аузына сыймай, жөтеліп, тұншыға бастаған. 

Дәріхана басшылығы әйелдің шағымына жауап берді. 

"Әйел адам "Цефтриаксон1.0" антибиотигінің бес құтысын рецепт бойынша сатып алған. Фармацевт қызмет көрсетіп, рецепті қайтарып берген. Медициналық қызметтің ережесі бойынша, әйел адам бес жастағы баламен бірге поликлиниканың процедуралық кабинетіне баруы керек, ол жақта медбике рецепке сәйкес мөлшерін сақтай отырып алдымен сынама жасап, дәріні егеді. Цефтриаксон – үшінші ұрпаққа жататын мықты антибиотик. Ол 12 жастан асқан балалар мен ересектерге бір грамм болып тағайындалады. Барлық дәрі ірі фармацевтикалық компаниялардан сертификатымен сатып алынады", – деді дәріхана өкілі. 

Естеріңізге салайық, балқаштық бала екпеден кейін жағдайы нашарлап, шұғыл түрде ауруханаға жеткізілген болатын.