2652

Нұр-Сұлтанда 13 жастағы тележүргізуші жол апатынан қайтыс болды

Сәйкес сараптамалар тағайындалды.
Фотография - Нұр-Сұлтанда 13 жастағы тележүргізуші жол апатынан қайтыс болды Сурет: tumba.kz

"Балапан" балалар арнасының жүргізушісі, 13 жастағы Құтжан Бағлан жол апатынан қайтыс болды, сәйкес сараптамалар тағайындалды, деп хабарлайды Today.kz Zakon.kz сайтына сілтеме жасап. 

Нұр-Сұлтан полиция Департаментінің баспасөз қызметінің хабарлауынша, қайғылы оқиға Қосшыға қарай кететін тас жолда 10 наурызда болған. 

"ҚР ҚК 345 бабы бойынша сотқа дейінгі тергеу жүріп жатыр, сәйкес сараптамалар тағайындалды. Жол-көлік оқиғасының салдарынан кәмелеттік жасқа толмаған велосипедші ауруханаға жеткізілді. 16 мамырда ол қайтыс болды", – деді полиция. 

Аймақтық "Новый Вестник" порталының хабарлауынша, Құтжан Бағлан жүк көлігіне түйіскен. Ол велоспорт бойынша мастерлікке кандидат болған. 

"Балапан" балалар арнасының директоры Мақпал Жұмабай Instagram желісіндегі парақшасында жазба қалдырып, Бағланның қазасына қайғыра көңіл айтты. 

"Көзін ашады деп қанша сенсек те, Бағлантай бүгін арамыздан кетіп қалды... Кіп-кішкентай болып, өзің жақсы көрген, қызмет істеген balapan телеарнасы үшін қаншама еңбек сіңірдің. "Ойлан, тап!", " Біз де бала болғанбыз", "Қуыр, қуыр, қуырмаш", " Дұрыс-бұрыс" бағдарламаларын жылдар бойы жүргіздің. Өнердегі, спорттағы, білімдегі жетістіктерің қаншама! Сенің осы қып-қысқа ғұмырың, жеңіс пен жетістікке толы, арманға толы, еңбекке толы 13 жылың бәрімізге үлгі. balapan телеарнасы және оның миллиондаған көрермені сені ешқашан ұмытпайды. Мағыналы ғұмырың үшін рахмет, қош бол, құлыншақ...
Бағланның ата-анасына, balapan ұжымына қайғырып көңіл айтамын", – деп жазды Мақпал Жұмабай.