856

Алматы облысында жоғалып кеткен 18 жастағы студент қыз өлі күйінде табылды

Сот-медициналық сараптама тағайындалды.
Фотография - Алматы облысында жоғалып кеткен 18 жастағы студент қыз өлі күйінде табылды Сурет: Алматы облысы ПД

Алматы облысында жоғалып кеткен 18 жастағы студент Айгүл Амангелдінің өлі денесі қыз тұрған ауылға жақын маңнан табылды, деп хабарлайды Today.kz аймақтық полиция департаментінің баспасөз қызметіне сілтеме жасап. 

"19 мамырда қыздың денесі 17: 30-да Талғар ауданы, Белбұлақ ауылына жақын жердегі таулы аймақтан табылды", – делінген полиция департаменті хабарламасында. 

Қыздың туысқандары денені таныды. Денеден зорлық-зомбылық белгісі табылмады. 

"Алдын ала нұсқа бойынша, қыз өз-өзіне қол жұмсаған. Сот-медициналық сараптама өлімнің нақты себебін анықтайды. Дерек бойынша ҚР ҚК 105 бабымен тергеу басталды", – деді полиция. 

Айгүл үйінен Алматыға қарай 13 мамырда оқуға кеткен. Сол күйі үйіне оралмаған қызды полициямен бірге еріктілер іздеді.