845

Нұр-Сұлтанда бассейнге батып кеткен қыздың өліміне кім кінәлі

Тоғыз жастағы қыздың өліміне қатысты БҒМ мен ІІМ пікір білдірді.
Фотография - Нұр-Сұлтанда бассейнге батып кеткен қыздың өліміне кім кінәлі Сурет ашық дереккөзден алынды

Қазақстанның ішкі істер министрі Ерлан Тұрғымбаев елордадағы сауда орталығында болған тоғыз жастағы қыздың өлімі жайлы пікір білдірді, деп хабарлайды Today.kz.

"Қылмыстық іс қозғалды. Балалардың жазғы лагерін мектеп ұйымдастырған. 30 бала бассейнде жүзіп жүрген. Қайғылы оқиға болып, қыз батып кетті. Қазір сол уақытта құтқарушылар қайда болды, неге шара қолданылмады, осыны тексеріп жатырмыз. Қауіпсіздікті қамтамасыз етпей балалар лагерін ұйымдастырған ұйымдастырушылардың жауапкершілігі қаралады", – деді ІІМ. 

Білім және ғылым министрі Күләш Шәмшидинованың сөзінше, балалардың қауіпсіздігі үшін мұғалімдердің жауапкершілігін арттыру керек. 

"Кеше біздің қызметкерлеріміз оқиға орнында болды. Бақылауда ұстап отырмыз. Ол жақта кімдердің болғаны ғана алаңдатады. Куәгерлердің айтуынша, бәрі өте қысқа уақытта тез болған. БҒМ мен ІІМ балаларды жүзуге үйрету керектігі туралы бұйрығы бар. Ол жұмыс жүріп жатыр. Жазғы лагерьде жұмыс істейтін адамдарға келсек. Әр мұғалім баланың өміріне жауапты, сондықтан осыны оқиды. Мектеп лагерьлері бұрынғы режиммен жұмыс істей береді. Күшейту шарасына келсек, адамдарды жинап, тағы да түсіндірдік, бұйрық керектігін айттық", – деді ведомства басшысы. 

Естеріңізге салайық, елордадағы сауда орталығының бірінде 3 маусым сағат 11:30-да қайғылы оқиға болды. Қыз бала басқа балалармен бірге бассейнге келіп, суға батып кеткен. Үш құтқарушы мен 20-дан астам ересек адам қызды құтқара алмады.