828

Мәрзия Тұрлыханова өмірден озды

Қайғылы хабарды марқұмның ұлы, грек-рим күресінен Олимпиада ойындарының жүлдегері Дәулет Тұрлыханов естіртті.
Фотография - Мәрзия Тұрлыханова өмірден озды Сурет: inform.kz

Қазақстанға еңбек сіңірген ұстаз, батыр ана Мәрзия Тұрлыханова 79 жасында өмірден өтті, деп хабарлайды Today.kz ҚазАқпаратқа сілтеме жасап.  

Бұл жөнінде марқұмның ұлы, КСРО еңбек сіңірген спорт шебері, грек-рим күресінен Олимпиада ойындарының жүлдегері Дәулет Тұрлыханов Instagram парақшасында жазды.  

Айта кетейік, Мәрзия Айтбайқызымен қоштасу 17 маусым күні сағат 10:00-де Алматыдағы "Достық" спорт кешенінде өтеді. 

Мәрзия Тұрлыханова 1940 жылы 16 ақпанда Шығыс Қазақстан облысы Аягөз ауданының Таскескен ауылында дүниеге келген. 1971 жылы Семей қаласындағы педагогикалық институтты математика мамандығы бойынша бітірді. Алғашқы еңбек жолын Аягөз ауданындағы орта мектепте мұғалім болып бастаған. Үздіксіз ұстаздық еңбек стажы – 48 жыл.

Педагогика ғылымдарының кандидаты, профессор, Қазақстанның еңбек сіңірген қоғам қайраткері, ҚР білім беру ісінің үздігі. 

Мәрзия Айтбайқызы сондай-ақ, көпбалалы Батыр ана. 9 перзент тәрбиелеп, өсірген.