586

Нұр-Сұлтанда қылмыстық топ кәсіпкерге қоқан-лоққы көрсеткен

Алайда ҚР ҰҚК заңсыз әрекетке жол бермеді.
Фотография - Нұр-Сұлтанда қылмыстық топ кәсіпкерге қоқан-лоққы көрсеткен Сурет: ҚР ҰҚК баспасөз қызметі

ҚР ҰҚК азаматтың өміріне қауіп төндірген адамдардың заңсыз әрекет жасауына жол бермеді, деп хабарлайды Today.kz. Бұл туралы аталған ведомстваның баспасөз қызметі хабарлады.

"Қазақстан Республикасының Ұлттық қауіпсіздік комитеті 2019 жылғы 17 маусымда қылмыстық топтың Нұр-Сұлтан қаласы М. деген кәсіпкерінен 27 миллион теңге, Ақмола облысының Бурабай кентіндегі аумағы 10 соток жер телімін және "Mercedes Gelandewagen" маркалы автомашинаны қорқытып алмақшы болған заңға қайшы әрекетінің жолын кесті", – делінген ақпаратта. 

Қылмыс жасау кезінде қылмыстық топ мүшелері суық қаруды және сырт кескіні жауынгерлікке ұқсас атыс қаруының нобайларын қолданып, "М"-ның және оның отбасы мүшелерінің өмірі мен денсаулығына қауіп төндірді.