628

Ақтауда балабақша тәрбиешілері балаларды сағаттап отырғызып, оларға қол көтерген

№ 55 балабақшасының директоры еңбек демалысында. Осы оқиғадан кейін қалалық білім бөлімі арнайы комиссия құрды.
Фотография - Ақтауда балабақша тәрбиешілері балаларды сағаттап отырғызып, оларға қол көтерген Сурет: youtube/@ladakz

Ақтаудағы № 55 балабақшаның тәрбиешілері балаларды бірнеше сағат бойы орындықта отырғызып, ойыншықпен ойнауларына тыйым салған. Бейнебақылау камераларынан олардың балаларға қол жұмсағандары да көрінеді, деп хабарлайды Today.kz Лада сайтына сілтеме жасап.

Тәрбиешілер орындықтан тұрған балаларға қол көтерген. 

"Бұл деген сұмдық. Балаларымыз қорқып отыр, видеодан көрінеді. Дәретханаға кірген уақытта да олар тәрбиешілерден денелерін алып қашады. Ойын да, ойыншық та жоқ. Видеоның екі сағатын көрдік, осы сағатта балалар орындықта отырды, ал тәрбиешілер біресе телефондарына үңіліп, біресе үстелде жатып ұйықтады. Балалар бір-бірімен де ойнай алмады. Балалар орындарынан тұрса, қол көтерген, біз балаларымызды алып кетуге келгенде олар бізді жымиып қарсы алатын", – дейді ата-аналар. 

№ 55 балабақшасының директоры еңбек демалысында. Осы оқиғадан кейін қалалық білім бөлімі арнайы комиссия құрды. 

"Қазір бәрін анықтап жатырмыз. Әр видеоны қараймыз. Аталған топтың қызметкері жұмыстан шығарылды. Мән-жайды анықтаймыз", – деді Ақтау білім бөлімінің өкілі.