561

АҚШ-та жол апатынан қазақстандық азамат қайтыс болды

Жол апаты Огайо штатында 26 маусымда болған.
Фотография - АҚШ-та жол апатынан қазақстандық азамат қайтыс болды Көрнекі сурет

Қазақстандық Қанат Асқынбай АҚШ-та жол апатынан қайтыс болды. Достары марқұмның денесін Отанына жеткізу үшін ақша жинап жатыр, деп хабарлайды Today.kz.

Жол апаты Огайо штатында 26 маусымда болған. 

"Біз денені туған жері Қызылордаға апару үшін және 37 жастағы Қанат Асқынбай жалға алған автокөлікке келген шығынды өтеу үшін сіздерден көмек сұраймыз. Қалған қаражат отбасына аударылады", – делінген gofundme.com сайтындағы хабарламада. 

Фото -

Хабарландыру авторлары Қанаттың әйелі, төрт баласы бар екенін айтты. Америкаға турист ретінде келген. 

Алты сағат ішінде хабарландыруға 160 адам назар аударды, шотқа 6800 доллардан көп қаражат жиналған.