1190

Еуразия технологиялық университетінің ректоры қыздарға стипендия тағайындады

Жоғары оқу орнының ректоры Жанар Темірбекова мереке қарсаңында техникалық және инженерлік мамандықтары бойынша қыздарға стипендия бөлді.
Фотография - Еуразия технологиялық университетінің ректоры қыздарға  стипендия тағайындады Сурет: Facebook.com/Евразийский Технологический Университет

8 наурыз қарсаңында Еуразия технологиялық университетінің ректоры Темірбекова Жанар Амангелдіқызы техникалық және инженерлік мамандықтары бойынша қыздарға арналған стипендия тағайындады, деп хабарлайды Today.kz.

Бұл туралы жоғары оқу орнының Facebook-тағы ресми парақшасында жазылды.

Мереке қарсаңындағы стипендияны "Injener Qyzdar" деп атаған. Стипендия Еуразия технологиялық университетінің "машина жасау", "көлік, көлік техникасы және технологиялары", "электр энергетикасы", "ақпараттық жүйелер" мамандықтары бойынша білім алатын қыздарға бөлінеді.

"ЕТУда 8 наурызды қыздардың мүмкіндігін арттыра отырып  осылай тойлауды жөн көрдік", – деп жазды оқу орнының ректоры Жанар Темірбекова өзінің Facebook-тағы парақшасында.