Боранда адасқан ерлі-зайыптылар ен далада түнеп шығып, аман қалды

Фотография - Боранда адасқан ерлі-зайыптылар ен далада түнеп шығып, аман қалды

БҚО Шыңғырлау ауданы Полтава ауылдық округінің тұрғындары, ерлі-зайыптылар Ерлан мен Сәуле Лесовтер боранда далада түнеп шықты.

228 0

БҚО Шыңғырлау ауданы Полтава ауылдық округінің тұрғындары, ерлі-зайыптылар Ерлан мен Сәуле Лесовтер боранда далада түнеп шықты.

Олар 7 наурыз күні ауылдан 20 шақырым жердегі мал қыстағына бару үшін түс ауа ат шанамен жолға шығады. Олар ауылдан ұзай бергенде жайлап басталған борасын күшті боранға айналады. Ауылдан 10-12 шақырымға жуық қашықтыққа ұзағаннан кейін жолды одан әрі жалғастырмауды шешіп, ат жолды өзі табар деген үмітпен ауылға бұрылады. Бірақ ақтүтек бораннан ел көрінбеді. Ерлі-зайыптылар осы кезде қарды тереңдеп қазып, пана жасауды шешеді. Олар өздерімен алып шыққан екі тұлыпты жамылып, қарлы боран астында далада түнеп шығады.

Ертеңіне оларды қарда жүретін машинамен іздеп шыққан шаруа қожалығының басшысы Мұса Намиев пен Наиль Бекетеев Лесовтер отбасын дін аман тапты. 

Батыс Қазақстанда қазіргі таңда ауа райы құбылмалы. Бірде қар жауып, бұрқасындатса, бүгін Оралда жаңбыр жауып тұр.


Тегтер:

Боран

Загрузка...

Пікір (0)

Input is not a number!
Input is not a email!
Input is not a number!