846

Маңғыстаулық 60 ардагерге «дабыл» түймесі бар мобильдік құрылғы сыйға тартылады (ФОТО)

Маңғыстау облысында Ұлы Отан соғысы ардагерлеріне «дабыл» түймесі бар арнайы мобильдік құрылғы табыс етіле бастады. Алдағы он күнде құрылғы өлкедегі барлық ардагерге берілетін болады.
Фотография - Маңғыстаулық 60 ардагерге «дабыл» түймесі бар мобильдік құрылғы сыйға тартылады (ФОТО)

Маңғыстау облысында Ұлы Отан соғысы ардагерлеріне «дабыл» түймесі бар арнайы мобильдік құрылғы табыс етіле бастады. Алдағы он күнде құрылғы өлкедегі барлық ардагерге берілетін болады. 

Құрылғыда «дабыл» түймесі бар. Түймені басқан кезде, көмек орталығына шұғыл автоматты қоңырау түседі. Дабылды орталық операторлары тәулік бойы қабылдайды. Тіпті, адам сөйлеуге шамасы келмей, ауыр һәлде болса да, медициналық көмек көрсетіледі.

«Өмір жолы» қоғамдық қорының атқарушы директоры Ернар Нұрбековтің айтуынша, 2014 жылғы маусымнан бастап, «Өмір жолы» желісіне Астана мен Алматы қалаларында тұратын 150 ҰОС ардагері қосылған. Осы уақытқа дейін 400-ден астам шұғыл шақырту қабылданды.

«Маңғыстау облысы үшін 68 «дабыл» телефонына тапсырыс берілді. Бұл құрылғыны барлық ардагер алатын болады», - деп атап өтті «Ардагерлер ұйымы» РҚБ» облыстық филиалының төрағасы Амангелді Ғұмаров.
 

ҚазАқпарат