Қостанай облысында Қазақ хандығының 550 жылдығына ескерткіш орнатылды

Фотография - Қостанай облысында Қазақ хандығының 550 жылдығына ескерткіш орнатылды

Қостанай облысы Қарабалық ауданының орталығында Қазақ хандығының 550 жылдығына арналған ескерткіш орнатылды

444 0

 Қостанай облысы Қарабалық ауданының орталығында Қазақ хандығының 550 жылдығына арналған ескерткіш орнатылды, деп жазады egemen.kz.

Бұған дейін Қарабалық өңірінде ұлттық нышандағы, ұлттың тарихынан хабар беретін ескерткіш болмаған еді. Қолына қылышын қысып ұстаған, аттың үстінде кең далаға қарап, жауына қарсы ұмтылған батырдың бейнесі нағыз Отанды қорғаудың, патриотизмнің символы тәріздес. Мүсінші Ертуған Шаймағамбетовтің талантынан туған ескерткіш аудан тұрғындары жинаған қаржы есебінен тұрғызылды.

Қарабалық ауданының әкімі Алмат Ысмағұлов: "Бұл ескерткіш Қазақ хандығының 550 жылдығы және кең даламыздың тәуелсіздік үшін күрескен даңқты ұлдарының құрметіне қойылды. Батыр ескерткіші жиынтық образ болып саналады. Ол қазақ мемлекеттігінің, қазақ хандығының бастауында тұрған, Қазақстанның егемендігі үшін күрескен қазақ халқының барлық батыр ұлдарының бейнесі тәрізді. Сонымен қатар бұл ескерткіш біздің еліміздегі барлық ұлт-ұлыстар достығын, бірлігін көрсетеді. Бұрынғы өткен бабалар рухына, дәстүрімізге тағзым", - деді. Әкім ескерткіштің тұрғызылуына атсалысқан аудан тұрғындарының барлығына рахмет айтты. Әсіресе. Владимир Кригер, Оганез Петоян секілді кәсіпкерлер үлесін атап өтті. Аудан ардагерлер кеңесінің төрағасы Асылбек Өтешев ескерткіш тек эстетикалық  жағынан ғана емес, аудан жастарын патриоттық сезімде, ел, жер тарихын біліп өсуге тәрбиелейтінін айтты.

null 

 



Загрузка...

Пікір (0)

Input is not a number!
Input is not a email!
Input is not a number!