Десанттық-шабуылдау батальонының әскери қызметшілері 290 шақырымды жүгіріп өтті

Фотография - Десанттық-шабуылдау батальонының әскери қызметшілері 290 шақырымды жүгіріп өтті

18404 әскери бөлімі екінші десанттық-шабуылдау батальонының жеке құрамы ірі роталық-тактикалық оқу-жаттығуларға тартылды

264 0

18404 әскери бөлімі екінші десанттық-шабуылдау батальонының жеке құрамы ірі роталық-тактикалық оқу-жаттығуларға тартылды, деп хабарлайды BNews.kz.

ҚР Қорғаныс министрлігінің баспасөз қызметінен мәлімдегендей, таңның атысымен 200-ден астам әскери қызметші дабыл бойынша көтерілді. Одан кейін жауынгерлер батальон командирімен бірге шартты жауынгерлік іс-қимылдар ауданына, яғни, 74261 әскери бөлімінің «Көктал» оқу-жаттығу орталығына жол тартты.

Штаттық қару-жарақ, БТР-80А типіндегі он бірлік бронетранспортерларды тарта отырып, толық жауынгерлік жарақтандыруда әскери қызметшілер ара қашықтығы 290 шақырымды жүгіріп өтті.

Қазір роталық-тактикалық оқу-жаттығулар шеңберінде жауынгерлер полигонда бөлімшелерді, взводтарды, роталар мен барлық батальонды біртіндеп үйлестіре отырып, жауынгерлік іс-қимылдарды жүргізу алгоритмін пысықтауда.

Батальон командирі майор Қаһарман Ушамовтың айтуынша, әскери қызметшілер жақсы даярлық деңгейін көрсетуде. Оның ішінде 18404 ә/б екінші десанттық-шабуылдау батальонының жеке құрамы арасында бронетранспортерды көздеушілерді атап өткен жөн. "Осы жыл ішінде олар өздерінің басқару дағдысын жақсартты, оқ атуда дәлдікке қол жеткізді. Оқу-жаттығуларда олардың біршамасы берілген нысаналарды бірінші оқ атудан жойды", - дейді батальон командирі.

Роталық-тактикалық оқу-жаттығулар аяқталысымен батальон жаяу жүріс тәртібінде бөлімге оралады.



Загрузка...

Пікір (0)

Input is not a number!
Input is not a email!
Input is not a number!