Атырауда 134 адам алаяқтың аранына түсіп қалды

Фотография - Атырауда 134 адам алаяқтың аранына түсіп қалды

"Атырау қалалық №2 сотында қаржы пирамидасын құрып, жұрттан 84 миллион теңгеге жуық ақшаны ұрлап алған 40 жастағы азаматқа қатысты сот процесі басталды", – делінген хабарламада.

163 0

Атырауда 134 адам қаржы пирамидасын құрған алаяқтың құрбанына айналды. Бұл туралы Атырау облыстық сотының баспасөз қызметіне сүйенген ras.kz хабарлады.

"Атырау қалалық №2 сотында қаржы пирамидасын құрып, жұрттан 84 миллион теңгеге жуық ақшаны ұрлап алған 40 жастағы азаматқа қатысты сот процесі басталды", – делінген хабарламада.

Қылмыстық іс материалдапы бойынша Ж.Т. атты азаматтың 2014 жылы Playtcoin деген ЖШС ашып, банк операцияларын жүргізу құқығы болмағанына қарамастан, қала тұрғындарынан ақшалай төлемдер алғаны белгілі болады. Компания зардап шегушілердің барлығына салған ақшалары үшін ай сайын 30 пайыздық бонус төлеп тұруға уәде берген. Барлық ақшалар пысықай іскердің жеке есепшотына, сондай-ақ оның ұялы телефонының есепшотына аударылып тұрған.

"Іс деректері бойынша, 134 адам ЖШС төлемшісі болған. Олардың салған жиынтық ақшалары 83 миллион теңгеден асып түскен. Осы заңсыз әрекеттері үшін айыпталушыға мемлекеттік айыптау тарапынан Қылмыстық кодекстің 214-бабы, 2-бөлігі, 2-тармағы ("Заңсыз кәсіпкерлік, заңсыз банк іс-әрекеті"), 217-бабы, 3-бөлігі, 2-тармағы ("Қаржы (инвестициялық) пирамидасын құрып, басшылық жасау") бойынша айып тағылды", – делінген хабарламада.


Тегтер:

Атырау алаяқ

Загрузка...

Пікір (0)

Input is not a number!
Input is not a email!
Input is not a number!