Маңғыстау облысындағы шетелдік мамандардың 70 пайызы басшылық қызметте

Фотография - Маңғыстау облысындағы шетелдік мамандардың 70 пайызы басшылық қызметте

Бұл туралы бүгін Ақтауда өткен Орталық коммуникациялар қызметінің брифингісінде облыс әкімінің орынбасары Шолпан Ілмұхамбетова мәлім етті.

142 0

Маңғыстау облысында шетелдік мамандардың 70 пайызы басқару саласында қызмет етеді. Бұл туралы бүгін Ақтауда өткен Орталық коммуникациялар қызметінің брифингісінде облыс әкімінің орынбасары Шолпан Ілмұхамбетова мәлім етті.

«Маңғыстау аймағы да Атырау, Астана, Алматы қалаларымен қатар шетелдік мамандарды алдыруға мəжбүр. Өздеріңіз білетіндей, біз қазіргі уақытта инвестициялық жобаларды жүзеге асыру үшін мұнай компанияларына шетелдік менеджментті тартып отырмыз. Бүгінгі күні тек тəжірибелі мамандарды ғана таңдап шақыртамыз. Шетелден шақырылатын мамандардың 70 пайызы топ-менеджмент саласында жұмыс істейді, олар – бірінші басқарушылар, салалалық бөлімдердің басшылары. Ал 30 пайызы арнайы дайындықтан өткен мамандандырылған қызметшілер. Мұнай саласында шетелдік жұмысшылардың саны 7 пайызды, құрылыста 30 пайызды, көлік саласында 4 пайызды, ШОБ-те 9 пайызды құрап отыр, - деді облыс əкімінің орынбасары.

Сонымен қатар, оның айтуынша, қазіргі уақытта қызметке Қазақстан азаматтарын алу мәселесі қатаң қадағаланады. Осы ережені бұзған жұмыс берушілерден 2015 жылдың бірінші жарты жылдығында 104 шетелдік жұмысшының рұқсаты қайтарылып алынып, 197 рұқсат бойынша келісімшарт өз күшін жойған.

 

 

BNews.kz

 



Загрузка...

Пікір (0)

Input is not a number!
Input is not a email!
Input is not a number!