Мексикада жүк көлігі 27 адамды қағып өлтірді

Фотография - Мексикада жүк көлігі 27 адамды қағып өлтірді

Мексиканың Сакатекас штатында жүк көлігі діни рәсімге жиылған халықты таптап өтті. Салдарынан 27 адам оқиға орнында қаза тапты.

229 0

Мексиканың Сакатекас штатында жүк көлігі діни рәсімге жиылған халықты таптап өтті. Салдарынан 27 адам оқиға орнында қаза тапты. Бұл туралы 24.kz хабарлады. Қайтыс болған марқұмдардың арасында 6 бала бар. Тағы 149 адам әр түрлі дене жарақатын алған. Бүгінде олардың 46-сы ауруханаға жеткізілді. Дәрігерлердің айтуынша, 34 науқастың жағдайы өте ауыр екен. Штат губернаторы зардап шеккендерді емдеу ісіне қатысты барлық шығынды мемлекет өз мойнына алады деп мәлімдеді. Тергеушілер құм тиеген жүк көлігінің жүргізушісі жылдамдықты тым арттырып жіберіп, рульге ие бола алмай қалған дегенді айтуда. Ал көлік жүргізушісі оқиға орнынан бой тасалап үлгерген. Дегенмен полицейлер оған іздеу жариялады. Куәгер Мария Луис Корреа: "Бір ұл аяғынан жарақат алды. Мен оны көтеріп алып, ыңғайлы жерге жатқыздым. Үсті-басын қан жуып кеткен. Ол еңірегенде етегі жасқа толды. Кейін жедел жәрдем көлігі келіп, алып кетті", – деді. Айта кетейік, Мексика президенті Энрике Пенья Ньето: "Осы қасіретті оқиға кезінде жақындарынан айырылған отбасылардың қайғыларына ортақтасып, көңіл айтамын", – деді.

 



Загрузка...

Пікір (0)

Input is not a number!
Input is not a email!
Input is not a number!