Қостанай қаласы әкімінің орынбасары екі айға қамауға алынды (фото)

Фотография - Қостанай қаласы әкімінің орынбасары екі айға қамауға алынды (фото)

Қостанай қалалық №2 сотымен 3 тамызда Қостанай қаласы әкімінің орынбасары Мақсұт Қалиевке қатысты екі ай мерзімге қамауда ұстау түрінде бұлтартпау шарасы санкцияланды.

379 0

Қостанай қалалық №2 сотымен 3 тамызда Қостанай қаласы әкімінің орынбасары Мақсұт Қалиевке қатысты екі ай мерзімге қамауда ұстау түрінде бұлтартпау шарасы санкцияланды, деп хабарлады облыстық соттың баспасөз қызметі.

2014 жылғы 11 шілдеде "Қостанай қаласы әкімдігінің құрылыс бөлімі" ММ "Қостанай қаласы Челябинск көшесі бойынша көлікті тіркеу және жүргізушілік куәлігін беру қызметтерін көрсететін мамандандырылған халыққа қызмет көрсету орталығы" нысаны бойынша құрылыс-монтаждау жұмыстарын орындауға электрондық сатып алу арқылы байқау жариялаған.

Байқау қорытындысы бойынша "Сыл" ЖШС жеңімпаз болып танылды. Онымен 2014 жылғы 23 тамызда 826 614 334,56 теңгеге көрсетілген нысанның құрылыс-монтаждау жұмысын орындауға шарт жасалды. Құрылыс салу мерзімі 2015 жылғы тамызға дейін.

Еске сала кетейік, 1 тамыз күні сағат 15:00 шамасында Қостанай қаласындағы "Premium Palac" мейрамханасы ғимаратының алдында Мақсұт Қалиев тендерде жәрдемдескені және одан әрі қолдау көрсететіні үшін аталған ЖШС басшысынан 13 000 000 теңге көлемінде қолма-қол ақшалай қаражат алған.

Қалиевке Қылмыстық кодекстің 366-бабы 3-бөлімі 3-тармағында көзделген қылмыс жасады деген айып тағылуда.

Қаулы заңды күшіне енген жоқ. Үш тәулік ішінде жоғарғы сотқа шағымдануға болады.

2

5

4

3

суреттер tobolinfo.kz сайтынан



Загрузка...

Пікір (0)

Input is not a number!
Input is not a email!
Input is not a number!