Ұшқыш курсанттар өздерінің бірінші ұшуларын Талғат Бигелдиновтің құрметіне арнады (ФОТО)

Фотография - Ұшқыш курсанттар өздерінің бірінші ұшуларын Талғат Бигелдиновтің құрметіне арнады (ФОТО)

Әуе қорғанысы күштері Әскери институтының курсанттары Ан-26 әскери-көлік ұшағында өздерінің алғашқы ұшуларын орындады.

324 0

Әуе қорғанысы күштері Әскери институтының курсанттары Ан-26 әскери-көлік ұшағында өздерінің алғашқы ұшуларын орындады. Бұл ұшулар аты аңызға айналған қазақ ұшқышы Талғат Бигелдиновтің туылған күніне орай орындалды.

Бұл туралы ҚР ҚМ баспасөз қызметі хабарлады.

"Институтымыз қазақтың әйгілі ұшқышы, Кеңес Одағының екі мәрте батыры Талғат Бигелдиновтің есімін мақтан тұтады, ал ұшқыш курсанттар оның ізбасарлары болып табылады. Ұлы Жеңіске, егеменді Қазақстанның Әуе қорғанысы күштерін дамытуға Талғат Бигелдиновтің қосқан үлесі шынында да орасан зор", - деді ӘҚК Әскери институтының бастығы полковник Марат Ботин. 

Сонымен қатар, осы күні институт қабырғасында еске алу кеші өтті. Офицерлер, оқытушылар және ардагерлер курсанттарға батыр ұшқыштың даңқты ерліктері туралы сыр шертті.

Талғат Бигелдинов 1922 жылы 5 тамызда Ақмола облысының Майбалық кентінде дүниеге келген. Кеңес Одағының екі мәрте батыры, авиация генерал-майоры атағында ол 2014 жылдың 10 қарашасында 92 жасында бақилық болды. Қазіргі уақытта Әуе қорғанысы күштерінің Әскери инстиуты және Республикалық әскери мектеп-интернаты оның есімімен аталады.  

2 

3 

4 

5 

 



Загрузка...

Пікір (0)

Input is not a number!
Input is not a email!
Input is not a number!