Астанада 1 ай бойы Жамбыл облысы ауыл шаруашылығы тауарын өндірушілерінің жәрмеңкесі өтеді

Фотография - Астанада 1 ай бойы Жамбыл облысы ауыл шаруашылығы тауарын өндірушілерінің жәрмеңкесі өтеді

Алдағы 1 ай бойы сенбі, жексенбі күндері елордада Жамбыл облысы ауыл шаруашылығы тауарын өндірушілерінің жәрмеңкесі өтеді.

607 0

Алдағы 1 ай бойы сенбі, жексенбі күндері елордада Жамбыл облысы ауыл шаруашылығы тауарын өндірушілерінің жәрмеңкесі өтеді. 
Бұл туралы бүгін Жамбыл облысы әкімінің орынбасары Ерқанат Манжуов мәлім етті.

«Елбасының, Үкіметтің азық-түлік тауарлары бағасын көтермеу, халыққа әлеуметтік қолдау көрсету  тапсырмаларына сәйкес Астана қаласының әкімі мен Жамбыл облысы әкімінің арасында келісім бар.  Соған сәйкес біз  әр апта сайын Астана қаласында ауыл шаруашылығы өнімдерімізді сататын боламыз», - деді ол.

Е.Манжуовтың сөзіне қарағанда, кеше елордаға қарай Тараз қаласынан ауыл шаруашылығы тауарларын тиеген жүк көліктері шықты. Оларда жалпы құны 24,5 млн. теңгені құрайтын 120 тонна өнім бар. Атап айтқанда, жамбылдық шаруалар 10 тонна етті, 2 тонна сүт өнімдерін, 5 тонна шұжық өнімдерін, 57 тоннадан астам жеміс-жидек, көкөніс алып келе жатыр.

«Біз Астана қаласының бағасын зерттедік. Өнімдерімізді одан 10-50 пайызға арзандатып сатамыз деп отырмыз. Жәрмеңкені әр сенбі, жексенбі күндері 4 апта бойы өткізу жоспарланған. Сауда-саттық жақсы болса, халықтың көңілінен шықса онда жәрмеңкені одан ары жалғастыру да ойымызда бар», - деді облыс басшысының орынбасары.



Загрузка...

Пікір (0)

Input is not a number!
Input is not a email!
Input is not a number!