Астанада қызылшаға қарсы иммундау қазан айында басталады

Фотография - Астанада қызылшаға қарсы иммундау қазан айында басталады

Елордада биылғы жылдың қазанында 15 пен 19 жас аралығындағы тұлғаларды қызылшаға қарсы қосымша иммундау жүргізіледі.

223 0

Елордада биылғы жылдың қазанында 15 пен 19 жас аралығындағы тұлғаларды қызылшаға қарсы қосымша иммундау жүргізіледі. Қызылшаға қарсы екпемен аталған жас шамасындағы 21 мыңнан астам адамды қамту жоспарланып отыр. Осы уақыт аралығында 142 пунктте 44 екпе бригадасы іске тартылады (17 медициналық ұйымда, 74 - мектептерде, 36 – ЖОО мен ООО–да).

Қызылша – өткір инфекциялық вирустық ауру. Қызылша кезінде дене температурасы жоғарылап, денеде бөрткен пайда болады, жөтел пайда болуы мүмкін, бас ауырады. Қызылшаға шалдыққандармен байланыс кезінде қызылшаға қарсы егілмеген тұлғалардың бәрі ауру жұқтыруы мүмкін. Науқас адамнан сау адамға қызылша вирусы сөйлесу кезінде ауа арқылы, жөтел және түшкіру арқылы жұғады. Науқас адам айналасындағылар үшін бөрткен пайда болғаннан 4 күн бұрын және 4 күн өткенге дейін қауіпті. Ауру жұқтырғаннан кейін 7–18 күн аралығында дамиды. Қызылшадан қорғанудың нәтижелі түрі вакцинация болып табылады.

Осыған орай, 2015 жылдың 27 тамызында сағат 11.00–де Астана қалалық Тұтынушылар құқығын қорғау бойынша департаментінің конференц-залында қазан айында Астана қаласы бойынша қызылшаға қарсы қосымша иммундауды ұйымдастыру мен өткізу мәселелері бойынша баспасөз конференциясы өтеді.

astana.gov.kz



Загрузка...

Пікір (0)

Input is not a number!
Input is not a email!
Input is not a number!