Қызылордада ауыл шаруашылық жәрмеңкесі өтті

Фотография - Қызылордада ауыл шаруашылық жәрмеңкесі өтті

Облыс орталығына Жаңақорған, Шиелі, Сырдария аудандарынан 800 тоннадан астам ауыл шаруашылық өнімдері әкелінді. Нарық бағасынан 15-20 пайызға арзан. Аймақ басшысы Қ.Көшербаев жәрмеңкені арнайы аралап, танысып шықты.

346 0

Облыс орталығына Жаңақорған, Шиелі, Сырдария аудандарынан 800 тоннадан астам ауыл шаруашылық өнімдері әкелінді. Нарық бағасынан 15-20 пайызға арзан. Аймақ басшысы Қ.Көшербаев жәрмеңкені арнайы аралап, танысып шықты.

Титов мөлтек ауданында Сырдария ауданының ауыл шаруашылық жәрмеңкесі жайылды. Сырдариялықтар арзан бағада қала тұрғындарына көкөніс, бақша, ет, балық және сүт өнімдерін ұсынды. Айта кетейік, жәрмеңкеге биылғы егістің өнімдері әкелінді.

Таңменен халықтың да көп жиналғаны сондықтан. Жаңақорғандықтар «Тағзым алаңында» тұрғындарға сапалы өнім ұсынды. Аудан шаруашылықтары қаланың әлеуметтік жағдайы төмен 30 отбасына ауыл шаруашылық азығын көмек ретінде тегін берді.

Тасбөгет кентіндегі жәрмекенің шырайын шиеліліктер кіргізді. Әсіресе, мұнда қауын-қарбызға сұраныс жоғары болды. Картоп, жуа, сәбіз секілді өнімдерді «қыс қамын жаз ойлаған» тұрғандар таласа алды.

– Жәрмеңке жылда дәстүрлі түрде өткізілетіндіктен асыға күтеміз. Арзан бағада өзімізге қажетті өнімдерімізді аламыз. Бұл екі тарап үшін қолайлы дер едім. Шаруашылықтар жыл бойғы еңбегін саудалауға мүмкіндік алса, біз табиғи өнімге алып-сатарларсыз қол жеткіземіз, - дейді қала тұрғыны Жақсылық Тәуекенов.

Айта кетейік, енді жәрмеңке әр жексенбі сайын желтоқсан айына тұрақты ұйымдастырылатын болады.



Загрузка...

Пікір (0)

Input is not a number!
Input is not a email!
Input is not a number!