Елордада Журналистер аллеясы ашылды

Фотография - Елордада Журналистер аллеясы ашылды

Астанада Ұлттық орман егу күніне орай Журналистер аллеясы ашылды. Елордалық журналистер "Сұлу" тұрғын үй кешенінің ауласында ұзақтығы 3 километрді құрайтын бірінші республикалық медиа аллеясын ашты, деп хабарлайды Астана әкімдігінің баспасөз қызметі

308 0

Астанада Ұлттық орман егу күніне орай Журналистер аллеясы ашылды. Елордалық журналистер "Сұлу" тұрғын үй кешенінің ауласында ұзақтығы 3 километрді құрайтын бірінші республикалық медиа аллеясын ашты, деп хабарлайды Астана әкімдігінің баспасөз қызметі.

Бұқаралық ақпарат құралдарының өкілдері 150 сиверс алма ағашын, емен, қызыл жемісті шетен, ақ қайың, сібір шыршасы, ақ тал, сүмбіл терек, қызылтал, сондай-ақ, ЭКСПО-2017 брендіне айналған арнайы гүлбағында дайындалған мамық түзбейтін бальзамдық терек көшеттерін отырғызды.

Валентина Ободовская, "Тұрақты даму" жер қорының биологы:

– Мемлекет басшысы Нұрсұлтан Әбішұлы жерімізді көгалдандыруға көп көңіл бөледі. Біздің бетпақ даламызда ағаштар аз қамтылған. Сондықтан, жастарды көшеттер отырғызуға шақырамын. Себебі көшеттерді жиі отырғызған сайын, ауа да тазарады. Бұл жерде журналистік аллея бастау алды. Аллея Қазақстанның барлық қалаларында жалғасын табады. Бұл бірегей журналистер аллеясына айналады.

Жыл сайын Қазақстанда көктем мен күз мезгілдерінде «Тұрақты даму» жер қорының бастамасымен "Ұлттық орман егу күніне орай" экологиялық акция өтеді. Бұл күндері барлық орманды аудандарда, сондай-ақ, қалаларда және елді-мекендерде көшеттер отырғызу аясында сенбіліктер өтуде.

Қазақстанда 2014 жылдың 19 сәуірінде БҰҰ Халықаралық орман жылын қолдауы мақсатында бірінші Ұлттық орман егу күні өтті. Акция қорытындысы бойынша 2014 жылы мыңдаған еріктілер қатары жалпы көлемі мыңдаған гектарды құрайтын миллионға жуық көшет отырғызды. 


Загрузка...

Пікір (0)

Input is not a number!
Input is not a email!
Input is not a number!