Бас мүфти Бахрейн "Құран Кәрімді қолдау" қорының президентімен кездесті

Фотография - Бас мүфти Бахрейн "Құран Кәрімді қолдау" қорының президентімен кездесті

сурет ҚМДБ баспасөз қызметінен

"Құран Кәрімді қолдау" қоры Діни басқармаға 100 000 дана Құран табыс еткен болатын

369 0

Алматыда Қазақстан мұсылмандары діни басқармасының төрағасы Ержан қажы Малғажыұлы Бахрейндік "Құран Кәрімді қолдау" қорының президенті доктор Адил Хасан ал-Хамад бастап келген делегацияны қабылдады.

Ресми кездесуде Бас мүфти Қазақстан мен Бахрейн елдері арасындағы рухани байланыстар, діни татулық, мұсылман үмбетінің бірлігі туралы пікір алмасты. Сондай-ақ, қасиетті Құран Кәрімді басып шығару және тарату мәселесі де талқыланды, деп хабарлады ҚМДБ баспасөз қызметі

"Қазақ әлімсақтан мұсылман елі. Қазақ топырағынан әлемге әйгілі мұсылман ғалымдары шыққан. Біз Ислам өркениетке өлшеусіз үлес қосқан елдің ұрпағымыз. Бүгінде еліміз егемендік алғалы Ислам діні жан-жақты дамып келеді. Дінімізді дамытуға барлық мүмкіндік жасалған", – деді кездесуде Бас мүфти Ержан қажы Малғажыұлы.

Бахрейндік "Құран Кәрімді қолдау" қорының президенті доктор Адил Хасан ал-Хамад осы кезге дейін 3,5 млн Қасиетті Құранды таратқанын, болашақта Құранды қазақ тілінде де шығаруға дайын екенін жеткізді.

Айта кетейік, «Құран Кәрімді қолдау» қоры Діни басқармаға 100 000 дана Құран табыс еткен болатын.

Бас мүфти қадірлі қонақтарға қазақы дәстүрмен Діни басқарманың атынан сыйлық табыстады.


Загрузка...

Пікір (0)

Input is not a number!
Input is not a email!
Input is not a number!