Көктерек кентіндегі көпір ашылды - ОҚО

Фотография - Көктерек кентіндегі көпір ашылды - ОҚО

сурет kz.otyrar.kz сайтынан

Гагарин-Жетісай-Жібек жолы көпірі қалың қауымның игілігіне тапсырылды

368 0

Жаңа жылда Көктерек кентінің жұрты басты қуанышқа кенелді. Сарыағаш ауданындағы елдімекен жұрты жаңа көпірге қарық болды. Келес өзенін кесіп, жолды жалғаған республикалық маңызы бар нысан небәрі үш ай ішінде пайдалануға беріліп отыр, деп жазады otyrar.kz.

Гагарин-Жетісай-Жібек жолы көпірі қалың қауымның игілігіне тапсырылды. Келесті кесіп аталған көпір 2008 жылы апатты деп танылған екен. Содан бері кент пен Сарыағаш шипажайына қатынайтын жұрт шыбын жанын шүберекке түйіп жүрген.

Дегенмен, ауылдағы ағайынның барыс-келісі қиындамас үшін мердігер ескі өткелге жапсарлас жаңа көпірдің құрылысын бастап жіберіпті. Сөйтіп, әрісі үш айдың ішінде нысан пайдалануға әзір болды.

Ұзындығы - 48, ені 12 метрді құрайтын жаңа көпірдің екі беткейінде жаяу жүргіншілер жолы да қарастырылған. Құрылысты қолға алған "Шымкент дорстрой" компаниясы республикалық қазынадан бөлінген 160 млн теңгеден астам қаржыны толығымен игердік деп отыр. Жаңа нысанды мемлекеттік комиссия қабылдаудан өткізіп те қойыпты.

Жаңа нысан Көктерек кентінің әлеуетін көтереді деген үміт бар. Өйткені Сарыағаш шипайына инвестиция тарту алдында барыс-келіс барынша жақсарды дейді жергілікті жұрт.


Тегтер:

Жаңа көпір ОҚО

Загрузка...

Пікір (0)

Input is not a number!
Input is not a email!
Input is not a number!