Қазақстандық армия арнайы қауіпсіздік тосқауылдарымен қамтамасыз етілді

Фотография - Қазақстандық армия  арнайы қауіпсіздік тосқауылдарымен қамтамасыз етілді

2015 жылы отандық армияның мұқтаждығы үшін зауыт өнімнің жаңа түрі, яғни, төтенше жағдайларға арналған арнайы қауіпсіздік бөгетін игерді

118 0

2015 жылы қазақстандық армияның жарақтандырылуына "Қазақстан инжиниринг" ҰК» АҚ-тың еншілес кәсіпорны отандық С.М.Киров атындағы машина құрастыру зауытымен шығарылған төтенше жағдайлар кезінде қолданылатын арнайы қауіпсіздік тосқауылдары келіп түсті, деп хабарлайды ҚР Қорғаныс министрлігінің баспасөз қызметі. 

2015 жылы қазақстандық армияның мұқтаждығы үшін зауыт өнімнің жаңа түрі, яғни, төтенше жағдайларға арналған арнайы қауіпсіздік бөгетін игерді. Кәсіпорын тиісті құрастыру және технологиялық құжаттама пакетін әзірледі, өндірісті дайындауды жүзеге асырды.
Мемлекеттік қорғаныс тапсырысын орындау шеңберінде 2015 жылдың қараша-желтоқсан айларында Қазақстан Республикасының Қарулы Күштеріне, яки, ҚР ҚК-нің 68602 әскери бөліміне 2 мың тосқауыл жеткізіліп берілді. Арнайы қауіпсіздік бөгеті бірнеше сегменттен құралған бөлшектелетін жиналмалы торлы құрылымнан тұрады. Оның әрқайсысының ішінде геометкелден жасалған жапсырма орнатылады.
Тосқауыл әскери іс-қимылдар мен лаңкестікке қарсы іс-шаралар кезінде фортификациялық құрылыстарды тез арада тұрғызу үшін арналған. Сондай-ақ оны өзендер мен су қоймаларының жағаларын бекіту үшін қолдануға болады.
Құрылыс -40°С-тан + 50°С-қа дейінгі температурада қалыпты және суық климат жағдайында ашық ауда пайдаланылады.
Мұндай арнайы қауіпсіздік тосқауылдары АҚШ, Израиль және Ресей Федерациясының Қарулы Күштерінде белсенді түрде қолданылып жүргенін айта кеткен жөн. 



Загрузка...

Пікір (0)

Input is not a number!
Input is not a email!
Input is not a number!