Екатеринбург қаласында майдангерлерді еске алу рәсімі өтті

Фотография - Екатеринбург қаласында майдангерлерді еске алу рәсімі өтті

Іс-шара 1941 жылдың қараша айында Мәскеу маңында қаза тапқан батыр-панфиловшылардың ерлігіне арналды.

357 0

Ресейдің Екатеринбург қаласында Кеңес одағының маршалы Георгий Жуковтың ескерткіші алдында "Біз панфиловшылармыз – миллионбыз!" атты зерде вахтасының рәсімі өтті. Бұл туралы Сыртқы істер министрлігінің баспасөз қызметіне сілтеме жасаған egemen.kz хабарлады.

Іс-шара 1941 жылдың қараша айында Мәскеу маңында қаза тапқан батыр-панфиловшылардың ерлігіне арналды.

Халықаралық зерде вахтасы 2015 жылы қазан айында Орынбор қаласында басталған. Ескерткіш ту бұған дейін Челябі, Новосібір және Алматы қалаларында болды. Ардагерлерге арналған патриоттық игі шара қан майдандағы қызыл әскерлердің алғашқы қарсы шабуылының 75 жылдығына орай, 2016 жылдың қазан айында Мәскеу қаласында аяқталады.

Екатеринбург қаласында кезек бойынша бесінші рет өткізіліп тұрған шараға  облыс басшылығы, әскерилер, дипломаттар, Орталық Азия мемлекеттерінің өкілдері, ардагерлер мен қоғамдық ұйымдар, Орал мемлекеттік педагогикалық университетінің "Стикс" зерттеу жасағы қатысты.




Загрузка...

Пікір (0)

Input is not a number!
Input is not a email!
Input is not a number!