1169

ОҚО әкімі Сарыағашта банан өсіріп жатқан шаруаларды көргенде таң қалғанын айтты

Бейбіт Атамқұлов өткен жылы Сарыағаштағы бірнеше шаруа өкілдерімен кездескен болатын
Фотография - ОҚО әкімі Сарыағашта банан өсіріп жатқан шаруаларды көргенде таң қалғанын айтты

Бүгін ҚР Президенті жанындағы Орталық коммуникациялар қызметінде Оңтүстік Қазақстан облысы әкімі Бейбіт Атамқұлов баспасөз мәжілісін өткізіп жатыр, деп хабарлады Baq.kz.

"Оңтүстіктегі егiн алқабы 773 мың гектарды құрайды. Оның ішінде суармалы жер аумағы 440 мың гектарға жетiп отыр. Облыс бойынша жылыжайлардың жалпы көлемi бүгiнде 1025 гектарды құрайды. Соның iшiнде бiз өткен жылы 115 гектар аумақта жылыжайды iске қостық. Еліміздегі жылыжайлардың 87 пайызы Оңтүстік Қазақстанға тиесілі. Соның 50 пайызы Сарыағашта орналасқан. Сарыағашқа барғанда банан өсіріп жатқан шаруаны көрдім. Шынымды айтып таңқалдым. Өздерінен сұрағанда экспримент ретінде өсіріп жатқандарын айтты", – дейді Б. Атамқұлов.

Айта кетейік, Бейбіт Атамқұлов өткен жылы Сарыағаштағы бірнеше шаруа өкілдерімен кездескен болатын. Олардың арасында Танабай Шынтасов жетекшілік ететін "Жер сыйы" ЖШС тұқымбағы, "Ынтымақ-Бесарыс" ЖШС секілді шаруа қожалықтары бар. Бұл серіктестіктерде түрлі жеміс және субтропикалық, декоративтік көшеттер өсіріледі.