Қарағанды облысында жараланған сарбаздың отбасы перзидентке хат жолдады

Фотография - Қарағанды облысында жараланған сарбаздың отбасы перзидентке хат жолдады

Хат көшірмесі Ұлттық ұлан басшылығына да жолданды

165 0

Өз өмірін бәйгеге тігіп, Ұлттық ұлан сарбазының жанын сақтап қалған полковник Қайрат Үмбетовке деген ризашылығын білдіруге және батырды марапатқа ұсыну үшін сарбаздың ата-анасы мен бауырлары Ұлттық ұлан "Оңтүстік" өңірлік қолбасшылығының жетекші құрамына Қазақстан Республикасының Президентіне жазған хатын ұсынды.

Қазақстан Республикасының Президенті Нұрсұлтан Әбішұлы Назарбаевқа!

Құрметті Нұрсұлтан Әбішұлы!

Осы жылдың 7 сәуірінде Қазақстан Республикасы Ұлттық ұланының офицері полковник Қайрат Үмбетов өз өмірін қатерге тіге отырып, Ұлттық ұлан сарбазы, біздің ұлымыз қатардағы Абзал Сұлтанқұловты өз денесімен граната жарылысынан, яғни өлімнен арашалап қалды.

Құрметті Елбасы, Сіз Ұлттық ұланның әскери қызметшілеріне Қазақстан халқының тыныштығын сақтауды сеніп тапсырдыңыз, олар өз кезегінде өздерінің әскери міндеттерін толыққанды абыроймен атқаруда және егеменді еліміздің бейбіт өмірін күзету жолында адал қызмет етіп жүр.

Біздің ұлымыздың өмірін сақтап қалған полковник Қайрат Үмбетовке және Ұлттық ұланның барша офицерлеріне тағы да зор алғыс айтқым келеді. Оларға мықты денсаулық, отбасыларына амандық, шаңырақтарына береке тілеймін. Олардың еңбектері шынайы бағаланса деймін!

Құрметті Нұрсұлтан Әбішұлы!

Сіздерге шексіз алғысымды білдіре отыра, жігерлі қайсарлығы мен батыл іс-әрекеті үшін Сізден полковник Қайрат Үмбетовті мемлекеттік наградамен марапаттауыңызды сұраймын!

Оның істеген ерлігі ескерусіз қалмай бағаланса екен деймін!



Загрузка...

Пікір (0)

Input is not a number!
Input is not a email!
Input is not a number!