"Тілдарын - 2016" қалалық олимпиадасының қорытындысы шығарылды

Фотография - "Тілдарын - 2016" қалалық олимпиадасының қорытындысы шығарылды

Шара барысында олимпиада мен байқау жеңімпаздары Астана қаласы әкімінің атынан дипломдармен және бағалы сыйлықтармен марапатталды

258 0

Елордада "Тілеп" қобыз сарайында ҚР Тәуелсіздігінің 25 жылдығына арналған "Тілдарын - 2016" қалалық олимпиадасының және "Тіл шебері - 2016" мемлекеттік қызметші жастар арасындағы қалалық байқау жеңімпаздарын марапаттау салтанаты өтті, деп хабарлады Астана қаласы әкімдігінің ресми сайты.

Шараның мақсаты үш тілді – қазақ, орыс және ағылшын тілдерін жетік меңгерген қабілетті жастарды анықтау және қолдау, тілдік қарым-қатынас мәдениетін қалыптастырып, көп тілді меңгерген тұлғаны тәрбиелеу, қазақстандық патриотизмді нығайту, өзге халықтардың мәдениеті мен тілін құрметтеу болып табылады.

"Тілдарын-2016" қалалық олимпиадасында Ержан Орынбасаров жеңіске жетсе, "Тіл шебері – 2016" конкурсында Тұрар Мықтыбаева үздік атанды.

Шара барысында олимпиада мен байқау жеңімпаздары Астана қаласы әкімінің атынан дипломдармен және бағалы сыйлықтармен марапатталды.

Конкурс үш кезеңмен өткізілді. Бірінші кезеңде қазақ тілін, екінші кезеңде ағылшын тілін меңгеру деңгейі тексерілді. Қатысушылар 15 минуттың ішінде тақырыпты ашып беруге тиіс болды. Ал үшінші турдың шарты бойынша қазақ тіліндегі мәтінді синхронды түрде орыс тіліне аудару қажет.

– Мен байқауға қатысуға қуана келістім, өйткені, лингвистикалық гимназияда оқып, үш тілді де еркін меңгергем. Бірінші кезеңнен кейін жеңілдім деп ойладым, ал екінші турға өткенде өзіме деген сенімім арта түсті. Жүлдеге қол жеткіземін деп ойламаған едім, - дейді Нұрсұлтан Бекмұрзаев.

Шара барысында "Бәйтерек" тобы, Маржан Арапбаева, Құрмаш Маханов т.б. қазақ эстрадасының жұлдыздары өнер көрсетті.



Загрузка...

Пікір (0)

Input is not a number!
Input is not a email!
Input is not a number!