"Юбилейныйдағы" өрт: тұрғындар Байбекке ТЖ-ның қайталануынан қорқатындарын айтты

Фотография - "Юбилейныйдағы" өрт: тұрғындар Байбекке ТЖ-ның қайталануынан қорқатындарын айтты

Тұрғындардың сөзінше, өртке қауіпті нысан мектепке тым жақын

219 0

Алматыда "Юбилейный" супермаркеті өртінен зардап шеккен үй тұрғыны қала әкімі Бауыржан Баубекке жақын маңдағы мектеп тұсындағы кафенің өртке қауіпті екендігіне шағым айтты, деп жазады Today.kz. Әйел адам кафені өрт қауіпсіздігі нормаларына сәйкестігін тексеруді сұрады.

"Мен осы үйдің тұрғынымын. Менің балам №54-ші мектепте оқиды. Мен орынбасарыңызға да айттым, ол жерде дәл мектеп жанында "Барашек" кафесі салынған. Соған байланысты шешім қабылдаңызшы, біздің балаларды үйден алып шығып көргені аз емес, енді мұндай жағдай мектепте де қайталануы мүмкін".

Алматы әкімі өз кезегінде құрылыс заңдылығын тексеруді және оқиғаның мән-жайын білуді тапсырды.

"Қала нысандарына тағы бір тексеріс жүргізу керек. Кей жерлерде ондай жазғы отыратын орындар заңды, кей жерде заңсыз салынған. Бұны қанша айта беруге болады?! Ол нысандардың бәрін алу керек", - деді Байбек.

Естеріңізге салсақ, 10 мамырда таңғысын Алматыда "Юбилейный" супермаркеті өртенген. Өрт шарпыған аумақ 1100 квадрат метрді құрады. Өрт сөндіруге "СПиАСР" ММ құрамынан 115 адам және 21 техника жұмылдырылды. Өрт салдарынан 28 жасар ер адам зардап шекті. Ауруханада оған қажетті көмек жасалды. Таңғы 9:00-де ол үйіне жіберілді.



Загрузка...

Пікір (0)

Input is not a number!
Input is not a email!
Input is not a number!