А.Баталов жас спортшыларға спорттық киімдер табыстады

Фотография - А.Баталов жас спортшыларға спорттық киімдер табыстады

Жас футболшылар командасының құрамында облыс әкімі Амандық Баталов пен облыс әкімінің орынбасары Серік Тұрдалиев те ойнады

315 0

Талдықорған қаласындағы "Жетісу" орталық стадионында өткен "Футбол мерекесі" кезінде Алматы облысының әкімі Амандық Баталов жас спортшыларға балалардың спорттық киімдерінің 1000 дана жиынтығын және 160 доп тапсырды, деп хабарлайды Алматы облысы әкімдігінің баспасөз қызметі. 

"Болашақ" балалар футбол орталығының тәрбиеленушілері мен "Жетісу" ФК негізгі құрамының арасында ұйымдастырылған ойын мерекенің айтулы оқиғасы болды. Жас футболшылар командасының құрамында облыс әкімі Амандық Баталов пен облыс әкімінің орынбасары Серік Тұрдалиев те ойнады.

Кездесуді қорытындылай келе облыс әкімі А. Баталов облыста спорттың көптеген түрлерімен айналысуға өңірде жақсы жағдай жасалып отырғанын жеткізді. Балалардың спортқа деген қызығушылығын арттырып, спорттық машықтарын жетілдіруге де мүмкіндіктер бар екенін атап өтті.

- Спортпен шұғылдану тәртіпке үйретеді, тән мен жанды қатар дамытады, денсаулықты шыңдайды, мінез қалыптастырады. Сондықтан біз балалардың спортпен жан-жақты айналысуына қолдау білдіреміз. Өздерінің спорттағы мүмкіндіктерін балалар бізге қазірдің өзінде көрсетіп отыр. Жас футболшылар болашақта кәсіби спортшы болады деп сенемін, - деді А. Баталов балаларға спорттық киімдер мен допты берген сәтте.

Өз кезегінде жас спортшылар көрсетілген қолдаулар үшін рахмет айтып, облыс басшысына өз командаларының барлық мүшелерінің қолы қойылған допты сыйға тартты.

Жалпы, "Жетісу" КФК-да 13 жас мөлшеріндегі балаларды, оның ішінде "Болашақ" балалар футбол клубының жасөспірімдерін де спортқа тегін баулитын футбол орталығы жұмыс істейді. Футбол орталығы барлық қажетті жабдықтармен қамтамасыз етілген, балаларды тәжірибелі жаттықтырушылар жаттықтырады. Кәсіби футбол клубының фуболшылары балаларға мастер-кластар өткізіп тұрады. 


Загрузка...

Пікір (0)

Input is not a number!
Input is not a email!
Input is not a number!