Қалалық саябақта Отбасы күніне арналған жарыстар өтті

Фотография - Қалалық саябақта Отбасы күніне арналған жарыстар өтті

8 мамырдан бастап Астаналық паркте демалыс күндері ашық аспан астында бұқаралық спорттық және фитнес жаттығулар жасау ұйымдастырылып келеді

502 0

Елорда тұрғындары мен қонақтары Отбасы күнін мерекелеуде.  Астаналық паркте жеті команда көңілді жарыстарда бәсекеге түсті, деп хабарлады Астана қаласы әкімдігінің ресми сайты.

Спорттық мерекеге балалар мен ересектер қатысты. Ата-аналар мен балалар ептілік пен жылдамдық қабілеттерін көрсететін жарыстарда сынға түсті. Көңілді старт бағдарламасына асық ату мен арқан тарту сияқты ұлттық ойындар да енді.

- Халықаралық отбасы күні 1993 жылы бекітіліп, жыл сайын 15 мамырда аталып өтіледі. Біз отбасылық жарыстар, саяхаттар және т.б өткіземіз. Бұл жолы мереке саябақта жаттығу жасаудан басталды. Содан кейін кезек жарыстарға берілді, - деді Астана қаласы салауатты өмір салтын қалыптастыру орталығының директоры Ақмарал Құрманбаева.

Әденовтер әулетіосы сияқты бұқаралық шараларға бүкіл отбасымен қуана қатысады. Олар бүгін де тыс қалған жоқ.

- Әдеттегідей бүкіл отбасымызбен – бесеуіміз келдік. Әр демалыс сайын таза ауаға шығып отыруға тырысамыз, қалалық саябақтарда ұйымдастырылатын ойын-сауықтарға қатысып жүреміз. Осындай қызықты спорттық жарыстар өткізу - тамаша идея, мұндай шараларды жиі ұйымдастырған дұрыс, - деп Асқар Әден өз пікірімен бөлісті.

Шараға таэквондодан Қазақстан федерациясының вице-президенті, Бейжіңдегі Олимпиада ойындарының қола жүлдегері Арман Шылманов та келді.

- Спорт пен дене шынықтыру -  денсаулыққа пайдалы, адамдардың бүкіл отбасымен бірге салауатты өмір салтын ұстанатыны қуантарлық жайт, - дейді спортшы.

Еске салайық, 8 мамырдан бастап Астаналық паркте демалыс күндері ашық аспан астында бұқаралық спорттық және фитнес жаттығулар жасау ұйымдастырылып келеді. Тәжірибелі нұсқаушылардың жетекшілігімен йога, зумба және кроссфиттен сабақ алуға болады. 



Загрузка...

Пікір (0)

Input is not a number!
Input is not a email!
Input is not a number!