1079

Маңғыстауда салмағы алты келі қыз бала дүниеге келді

Мұнайлы ауданының 37 жасар тұрғыны алтыншы сәбиін дүниеге әкелді.
Фотография - Маңғыстауда салмағы алты келі қыз бала дүниеге келді Көрнекі сурет

Маңғыстау облысының перинаталдық орталығында 6100 грамм салмақтағы қыз бала дүниеге келді деп, хабарлайды Today.kz  "Лада"  аймақтық порталына сілтеме жасап.

Дүниеге келген сәби Мұнайлы ауданының 37 жасар тұрғынының  алтыншысы. Бұдан бөлек бұл отбасында үш ұл, екі қыз тәрбиеленуде.  

"Алдыңғы балалар 3900, төрт келі, 4300, 4900 және 5900 грамм болып дүниеге келген. Бәрі табиғи жолмен туылған. Ешқайсысына кесір тілігі жасалған жоқ", - деді ОПО-ның директор орынбасары Роза Баданова.

Дәрігерлердің айтуынша, ана мен баланың жағдайы жақсы.  

Астанада ерекше жағдайда сәби дүниеге келді.

4 қараша күні, ана мен бала Ұлттық ғылыми орталығында дәрігерлер бір әйелге бір мезетте екі операцияның жасалғандығы туралы ақпаратты жариялаған еді.  "26 қазан күні Ұлттық  нейрохирургия ортылығы мен ана мен бала Ұлттық ғылыми орталығының акушер –гинекологтары  бірлесіп, екі операция – микрохирургиялық  жолмен мишықтағы ісікті алып, кесір тілігін жасады. Екі ота да сәтті болды ", - деп сол кезде дәрігерлер хабарлады.

Әйелдің  сәбиі 2260 грамм салмақпен дүниеге келген болатын. Бойы 46 сантиметр.