1619

Қатты аяздан Астанадағы "Байтерек" монументінің күмбезінде сызаттар пайды болды

Кешен басшылығы, күмбезде пайда болған сызаттар келушілерге қауіп төндірмейді деп сендірді.
Фотография - Қатты аяздан Астанадағы "Байтерек" монументінің күмбезінде сызаттар пайды болды Сурет: ©Арман Мухатов

Астанада "Байтерек" монументінің күмбезінде сызаттар пайды болды деп, хабарлайды Today.kz. "Астана-Байтерек" ЖШС басшылығының айтуынша, келушілерге қауіп төнбейді.

«Байтерек" монументіндегі «шардың» сферасы бірнеше көпқабатты шыныпакеттерден тұрады. Оны Италиядағы  Sunglass компаниясы шығарады. Температураның төмендеуі мен көлденең соққан желдің әсерінен кейбір шыныпакеттердің ішкі қабатында бұзылу басталған. Осыған сәйкес, сызаттың пайда болуы, монумент келушілеріне ешқандай қауіп тудырмады»,-деді ЖШС басшысы Мұрат Сапарғалиев.

Сапарғалиевтің сөзінше, дәл қазір монументке күрделі жөндеу жұмыстарына байланысты, мемлекеттік сатып алуға шарт жасау рәсімдері қолға алынып отыр. Бүлінген шыныпакеттер ауыстырылады.

«Бүлінген шыныпакеттерді ауыстыру мен күрделі жөндеу жұмыстары жоспарлы-сметалық құжат бойынша бюджеттен қаржыланады. Ол мемлекет сараптамасынан өткен», -деп қорытындылады "Астана-Байтерек" ЖШС басшысы.