927

Синоптиктер Қазақстанда алдағы демалыс күндері болатын ауа райын болжады

Ақпанның 18-і мен 20-сы күндері Қазақстанның басым бөлігінде күннің суытуы күтілуде.
Фотография - Синоптиктер Қазақстанда алдағы демалыс күндері болатын ауа райын болжады Сурет: ©Алмас Төлеке

Ақпанның 18-і мен 20-сы күндері Қазақстанда күннің суытуы күтілуде. Елдің үш өңіріне дауылды алдын ала ескерту жарияланды деп, хабарлайды Today.kz «Қазгидромет» РМК-ға сілтеме жасап.

Солтүстік Қазақстан облысында тұман түсуі ықтимал. Ақмола және Маңғыстау облыстарында боран соғып, екпіні күшті жел болады деп күтілуде.

«Батыс облыстарға арктикалық жүйе фронттарымен тағы бір циклон келіп орналасады. Олар Қазақстанның аумағы арқылы араласып, батыстан шығысқа қарай жылжып, қар араласқан боран соғып, жылдамдығы секундына 15-20 метрге дейін күшті жел соғып, ауа температурасы төмендейді. Тау бөктері мен таулы аудандарда демалыс күндері республиканың оңтүстігі мен оңтүстік шығысында суық фронттардың әсерімен қатты жауын-шашын болып, қар жауып, тұман түсіп көктайғақ болады»,-деп хабарлады синоптиктер.

Алматы және Шығыс Қазақстан облыстарындағы тас жолдардағы көлік қозғалысына қойылған шектеу сақталады.