740

Қазақстандықтарды наурыздың 15-і күні қатты жел мен көктайғақ күтеді

Республиканың оңтүстік-шығысы мен солтүстігінде тұман түсіп, боран болуы ықтимал.
Фотография - Қазақстандықтарды наурыздың 15-і күні қатты жел мен көктайғақ күтеді Көрнекі сурет

Қазақстанның басым аумағында наурыздың 15-і күні тұман түсіп, көктайғақ орын алып, боран болып, жаңбыыр жаууы ықтимал. Республиканың солтүстігі мен оңтүстік-шығысында атмосфералық фронттардың өтуімен кейбір жерлерде аздаған қар жаууы мүмкін деп, хабарлайды Today.kz «Қазгидромет» РМК-ға сілтеме жасап.

Синоптиктер Астанада көшпелі бұлт шығып, кейбір жерлерде аздаған қар жауады деп болжайды. Жылдамдығы секундына 7-12 метрге дейін жететін солтүстік-шығысқа ауысатын батыстық жел соғады. Күндіз алты градусқа дейін аяз болып, түнде 14 градусқа дейін суытады.  

Алматыда көшпелі бұлт шығып, жауын жаумайды. Түнде тұман түсіп, жылдамдығы секундына 5 метрге дейін жететін жел соғады. Күндіз ауа темпераурасы 4 градусқа дейін көтерілсе, түнде 5 градус суық болады.

Ақмола облысының кейбір жерлеріне тұман түсіп, жылдамдығы секундына 20 метрге дейін жететін ұйытқыған боран соғады.

Жамбыл облысының кейбір жерлеріне тұман түсіп, таңертең және күндіз жылдамдығы секундына 20 метрге дейін жететін екпінді жел соғады.

Оңтүстік Қазақстан облысында түнде тұман түсіп, синоптиктер күндіз  жылдамдығы секундына 20 метрге дейін жететін қатты жел соғады деп болжайды.

Алматы, Батыс Қазақстан, Ақтөбе, Қостанай, Қарағанды, Солтүстік Қазақстан, Шығыс Қазақстан облыстарында тұман түсіп, кейбір жерлерде көктайғақ болады деп күтілуде.

Маңғыстау облысында метеорологтар шаңды дауыл соғады деп болжайды.

Загрузка...