757

27 сәуірде Астанада электродабылдар қосылады

Астана қаласының ТЖ департаменті қала тұрғындары мен қонақтарын сабырлық сақтауға және үрейленбеуге шақырады.
Фотография - 27 сәуірде Астанада электродабылдар қосылады Көрнекі сурет

27 сәуірде сағат 09.00-де Астана қаласы Төтенше жағдайлар департаменті 2 минут бойы телерадио арналарды ұстап қалумен, электродабылдарын қосу арқылы Астана қаласының құлақтандыру жүйелерін тексеруін жүргізеді деп, хабарлайды Today.kz елорда әкімшілігінің баспасөз қызметіне сілтеме жасап.

Астана қаласының ТЖ департаменті қала тұрғындары мен қонақтарын сабырлық сақтауға және үрейленбеуге шақырады.

«Төтенше жағдай орын алған кезде немесе төтенше жағдайдың орын алу қаупі туындаған кезде электродабылдар немесе басқа да дабыл құралдары қосылады, ол «Баршаңыздың назарына!» бірыңғай құлақтандыру дабылын білдіреді», - дейді мамандар.

Бұл дабылды естіген кезде тұрғындар іс-әрекеттер туралы нұсқаулар мен ақпарат алу үшін міндетті түрде қолайлы ақпарат қабылдау құралдарын («Хабар», «Қазақстан», «Евразия бірінші арна», «Астана», «КТК»,» НТК» телеарналарын; «Астана FM», «Шалқар», «Ретро FM», «Авторадио», «Қазақ радиосы») қосулары керек.

Загрузка...