805

Қазпошта Қазақстанда 3D-баспа бағытын дамытуда

3D-зертханасы Алматы қаласының орталығында ашылды.
Фотография - Қазпошта Қазақстанда 3D-баспа бағытын дамытуда Сурет Қазпоштаның баспасөз қызметінен алынды

Бүгін Қазпоштаның Алматы қаласындағы орталығында 3D-зертханасы ашылды деп, хабарлайды Today.kz «Қазпошта» АҚ-ның баспасөз қызметіне сілтеме жасап.

«3D-баспа - бұл, сөзсіз, қазіргі кезде медицина, құрылыс, жобалау және т.б. салалардағы қарқынды дамып келе жатқан революциялық технология. Қазақстанда бұл технологияны дамытудың маңыздылығын түсіне отырып, біз бүгін 3D-баспа зертханасын Қазпоштада аштықБіздің басты мақсатымыз - 3D-баспамен неғурлым көп  адамдарды таныстырып,  олардың кез-келген шығармашылық идеяларын іске асыруға көмектесу. Біздің зертхана экономикамыздағы осы бағытты дамыту жолындағы үлкен қадам болады деп ойлаймын», - деді Нариман Мукушев.

Фото -

3D-зертханасы Suleyman Demirel University-нің қатысуымен ашылды. Университет студенттерінің 3D-зертхана базасында жаңа технологияларды сынап өз жобаларын ақшаға айналдыру мүмкіндігі бар.

Олар виртуалды 3D-моделдердің негізінде 3D-принтердің көмегімен көлемді заттарды басып шығара алады. Жәй қағаз парағын басып шығаратын дәстүрлі принтерге қарағанда, 3D-принтер үш өлшемді ақпаратты көрсетуге, белгілі бір физикалық объектілерді жасауға  мүмкіндік береді.

Фото -

3D-зертхананың негізгі бағыттары:

  • Қазақ тілінде Брайль шрифтімен кітаптар шығару;
  • Кәдесыйлар, брелоктар, ойыншықтар, оправалар және т.б. заттарды басып шығару;
  • Клиенттердің 3D-модельдерін басып шығару.
Загрузка...