846

2017 жылы Астанада 45 мың ағаш отырғызу жоспарланған

Астанада раушан гүлінің 8 сұрпы, декоротивті гүл бұталары мен аршалардың 10 түрі егіледі.
Фотография - 2017 жылы Астанада 45 мың ағаш отырғызу жоспарланған Сурет: ©Андрей Чеботарев

Астананың орталық көшелерінде, саябақтарда, гүлзарлар мен бульварларда гүлдер егу жұмыстары басталады. Ағымдағы жылы қала көшелерінде жалпы аумағы 158 057 шаршы метрді құрайтын біржылдық гүлдердің 20 түрі және көпжылдық гүлдердің 15 түрі отырғызылады, деп хабарлайды Today.kz «Астана-Зеленстрой» АҚ баспасөз қызметіне сілтеме жасап. 

Астанада раушан гүлінің 8 сұрпы, декоротивті гүл бұталары мен аршалардың 10 түрі егіледі.

«Сонымен қатар осы жылы 45 мың көшет тамырын тереңге жаймақ (кәдімгі қарағай, татар үйеңкісі, пирамидалы терек, жалпақ жапырақты шегіршін), ЭКСПО-2017 логотипімен шағын архитектуралық пішіндер қойылады. Сондай-ақ, француз сұрпын пайдалану арқылы раушан гүлзары жасалады. Қабанбай батыр даңғылы бойында Wellcome to Astana декоративті жасыл пішін орнатылады. «Есіл» ауданында «Торсық», «Қобыз», «Куб», «Биші қыздар», «Шәй сервизі», «Велошабандоз», «Домбыра» және «Астана жүрегі» жазуы орнатылады. Мәңгілік ел және Тұран даңғылдарында, Қорғалжың шоссесіне 1100 дана қыш кұмыралары ілінеді. «Доп пен бутсы» және «Қобыз» пішіндері «Сарыарқа» тұрғындары мен қала қонақтарының көз қуанышына айналмақ. «Әтеш», «Бояулар мен қылқалам» және «Қалпақтар» Алматы ауданының көркін ашпақ»,-деп хабарлады кәсіпорынның баспасөз қызметіне сілтеме жасап.

Загрузка...