627

Астанадағы «Шапағат» базарында қазының жасалынуын тұтынушылар бақылайтын болады

Базарда видеокамералардың бақылауында ұлттық деликатестерді дайындайтын арнайы зал ашылды.
Фотография - Астанадағы «Шапағат» базарында қазының жасалынуын тұтынушылар бақылайтын болады Көрнекі сурет

Елорданың «Шапағат» коммуналдық базарында ұлттық деликатестерді дайындайтын арнайы зал ашылды. Қазы мен шұжықтың жасалынуын тұтынушылар арнайы видеокамералар арқылы бақылайтын болады деп, хабарлайды Today.kz Астана әкімшілігінің сайтына сілтеме жасап.

«Бұл бөлмеде операция жасау бөлмесіндегідей таза: санитарлық-гигиеналық жағдай қатаң сақталады. Бөлмеге бейнебақылау камерасы орнатылған, ал монитор жалпы залға қойылған. Сатып алушы қазы мен шұжыққа тапсырыс бергенде олардың дайындалу процесін бақылап отыра алады», - деді «Астана» ӘКК» ҰК АҚ Әуез Қарабалаев.

Барлық залдардағы маңдайшадағы жазулар үш тілде: неміс, ағылшын және француз тілдерінде жазылған.

«Егер шетелдік қонақтар сауда жасауға біздің базарға келетін болса, штаттық аудармашының көмегімен кез келген саудасын жасай алады», - деді Ә.Қарабалаев.

Астанадағы «Шапағат» коммуналдық базары тұтынушылар ең көп келетін сауда орны: күн сайын 5 мыңға жуық адам сауда жасайды. Демалыс және мереке күндері бұл көрсеткіш екі-үш есеге көбейе түседі.