2219

Төреғалидің әкесі Төреәлі отандық арна тілшілеріне былапыт сөздер айтты

"Әкелі-балалы азаматтардың ел талқылауына түскен бұндай әрекеттері алғашқы рет емес, соңғысы да емес сияқты", - деді аталған телеарна.
Фотография - Төреғалидің әкесі Төреәлі отандық арна тілшілеріне былапыт сөздер айтты Сурет ашық дереккөзден алынды

Төреғалидің әкесі Төреәлі отандық арна тілшілерін балағаттап тастады, деп жазады Today.kz. Бұл туралы 31 арна хабарлады. 

"Төреғалидің өзінен сұхбат алу мүмкін болмады, қолы бос емес. Талдықорғанда концерт беретінін естіп, тілшілеріміз сұрақтарына жауап алмақ болып еді, әншінің әкесі мен бейтаныс жігіттер түсірілім тобына кедергі жасап, былапыт сөздер айтты. Астына ауыр автокөлік мінген әнші халықтың назы ауыр болатынын, бетін жасырған Төреғали шындықтың жүзі бәрібір ашылатынын ұмытып кеткендей. Әкелі-балалы азаматтардың ел талқылауына түскен бұндай әрекеттері алғашқы рет емес, соңғысы да емес сияқты", - деді аталған телеарна. 

Айта кетейік, Төреғали Төреәлінің сахнада тұрып тыңдарманына дауыс көтергені бейнеленген видео желіге тарап кеткен еді. Бұдан кейін әнші әлеуметтік желіде тікелей эфирге шығып, халықтан кешірім сұрады.