1685

Астанадағы аяз туралы қағытпа қалжыңдар

Кешеден бері Астана мен еліміздің солтүстік өңірінде үскірік аяз. Қазақстандықтар ауа-райын әзілге айналдырды.
Фотография - Астанадағы аяз туралы қағытпа қалжыңдар Сурет ашық дереккөзден алынды

Кеше Астанада - 53 градус аяз болды. Алматыда да 24-29 қаңтар аралығында күн сууы мүмкін. Елордадағы аязды қағытпа қалжыңға айналдырғандар да болды, деп хабарлайды Today.kz.

Танымал телепродюсер Серік Абас-шах Астанадағы аязға мынадай өлең жолдарын арнады:

Арктиканың басынан көш келеді,

Аямайды "бұл көші" ештеңені.

Қатты аязда жел соқса жаман екен,

Қара көзге мұз болып жас келеді. 

Бұл өлең жолдарын телепродюсер Facebook әлеуметтік желісіндегі парақшасында бөлісті. 

Журналист Қанат Әуесбай да Астанадағы аязды әзілдің астына алды. 

"Ағылшындық этикет: Ағылшындар кездессе, күннің райын талқылайды. Астаналық этикет: Астаналықтар кездессе, аяздың райын талқылайды", - деп жазды Қанат Әуесбай өзің Facebook әлеуметтік желісіндегі парақшасында.  

Журналист Бауыржан Карипов әлеуметтік желідегі парақшасында боранға қатысты бірнеше қалжың аралас әңгіме жазған екен.

"Ең ұзақ тоқсан - 3-тоқсан. Астаналық оқушылар мен мұғалімдер үшін аяз береке мен мереке ғой", - деп ауа-райына байланысты мектептерде сабақ болмайтынын да қалжыңға айналдырыпты. Айтпақшы, осыған байланысты қарағандылық тұрғынның да айтары бар.

"Астана мен Павлодарда колледж бен университет студенттеріне де сабақ болмайды. Ал Қарағандыда тек бастауыш сынып оқушылары үшін сабақ тоқтатылды. Қаламасақ та өзімізді оңтүстіктіктегі провинция тұрғыны секілді сезініп жүрміз", - деп жазады Рахат Ахмет есімді қолданушы. 

Загрузка...