9879
1

Назарбаевтың жиені зорланды делінген шымкенттік балаға көмектесіп жатыр

Сайынның сөзінше, тергеу жұмыстары әлі бірнеше айға созылады.
Фотография - Назарбаевтың жиені зорланды делінген шымкенттік балаға көмектесіп жатыр Сурет ашық дереккөзден алынды

Қазақстан Республикасының Президентінің жиені Нұрәли Әлиевтің отбасы Оңтүстік Қазақстан облысы, Абай ауданындағы зорлық көрген болуы мүмкін жеті жастағы балаға қамқорлық көрсетіп жатыр. Бұл туралы қоғам қайраткері Аружан Сайын Facebook желісіндегі парақшасында жазды, деп хабарлайды Today.kz

"Нұрәли мен Аида Әлиевалардың отбасына көп рақмет, баласы мен анасы олар қамқорлық танытқан үйде тұрып жатыр!" – деп жазды Аружан. 

Сайынның сөзінше, тергеу жұмыстары әлі бірнеше айға созылады. 

"Өкінішке орай, тергеу жұмыстары басынан дұрыс жасалмағандықтан, бұндай жағдайда шыдамдылық таныту керек болады. Өз тәжірибемнен айтатын болсам, осыған ұқсас тергеу тоғыз ай жүрген", – деді қоғам қайраткері.

Бала қазір оқуын жалғастырып жатыр.  

"Бала анасымен бірге күзеттің бақылауында. Білім және ғылым министрлігінің бала құқығын қорғау комитетіне рақмет, баланы мұғалім келіп оқытып жатыр, бала қуана-қуана білім алуда", – деді Аружан Сайын. 

Естеріңізге салайық, ОҚО, Абай ауылының тұрғыны жеті жастағы немересінің бірнеше ай бойы зорланып келгенін айтып, дабыл қаққан болатын. Баланың туысқандары құқық қорғау органдарының әрекетсіз отырғанын айтты. 

Бала құқықтары жөніндегі уәкіл Зағипа Балиева Оңтүстік Қазақстан облысына ұшып келді

Кейін омбудсмен баланың қазіргі жағдайы туралы пікір білдірді

Today.kz шымкенттік баланың өзімен де сөйлесті

Оңтүстік Қазақстан облысының әкімі Жансейіт Түймебаев Сарыағаш ауданы, Абай ауылындағы мектептерде болған келеңсіз жағдайға байланысты жауапты тұлғаларға шара қолданды.

Зағипа Балиева әлеуметтік желіге таралған шымкенттік бала мен әжесінің видеосына қатысты пікір білдірді.

Загрузка...
  • Beibit
    Осындай қайырымды жандардың көп болғаны жүрекке жылу береді.