2603

Тоқаев менингиттің таралып кеткені үшін ҚР денсаулық сақтау Министрлігін сынады

Қасым-Жомарт Тоқаев Қазақстанда менингиттің таралуын сынап, пікір білдірді.
Фотография - Тоқаев менингиттің таралып кеткені үшін ҚР денсаулық сақтау Министрлігін сынады Сурет: Sputnik Қазақстан

Қасым-Жомарт Тоқаев Қазақстанда менингиттің таралуын сынап, пікір білдірді. ҚР Парламенті Сенатының басшысы республиканың денсаулық сақтау Министрлігіне көңілі толмайтынын айтты, деп хабарлайды Today.kz Тоқаевтың Twitter желісіндегі парақшасына сілтеме жасап. 

"Менингит инфекциясының таралуы қабылдауға келмейтін жайт. Профильді Министрлік жайбасарлық пен баяулық танытып отыр, бұл кешірілмейді. Парламент сенатының депутаттары үкіметке сауалхат жолдайды", – деп жазды Қасым-Жомарт Тоқаев. 

Естеріңізге салайық, Қазақстанда 2018 жылы менингиттен 13 адам қайтыс болды, оның бесеуі – бала. Соңғы айда аталған ауру жайыла бастады. Қазір ресми дерек бойынша 58 адам менингитпен ауырады. ҚР денсаулық сақтау министрі Елжан Біртанов 4 маусымда карантин жариялаудың қажеттілігі жоқтығын айтты. 

2 маусымда Алматы облысы Қарасай ауданы Қаскелең ауруханасында 19 жастағы қыз менингиттен қайтыс болды. Ол менингиттен көз жұмған 5 жастағы баламен қарым-қатынас жасаған. 4 маусым кешке Талдықорғанда 17 жастағы студент жігіт те аталған аурудан қайтыс болды